Jamleg inviterer likestillings- og diskrimineringsombudet eksterne innleiarar til å fortelje kva dei ville gjort hvis dei satt i ombodet sin stol.

- Det er alltid nyttig å høyre frå folk som ser oss frå utsida, og vi fekk mange spanande utfordringar frå Kari Østerud i dag, seier likestillings- og diskrimineringsombod Sunniva Ørstavik.

- Ombodet har viktig kompetanse

- Vi har ein veg å gå til verdsetjing av erfaring og kompetanse. Ei av dei viktigste likestillingsutfordringane er negative holdningar, mytar og stereotypiar knytta til eldre arbeidstakarar, sa Østerud.

Ho ynskjer seg ei klarare stemme frå ombodet om eldre arbeidstakarar. Særleg i tilsettingsprosessar, i debatten om aldersgrenser, og i å sjå alder i eit kvinneperspektiv.

- Dykk har mykje kompetanse om diskriminering, og det hadde vore fint om dykk brukar denne kompetansen meir på aldersdiskrimineringsfeltet, sa ho.

Les meir:

• 2012 er det europeiske året for aktiv aldring.
• 29. april er EU sin dag for solidaritet mellom generasjonane.
• Urimelege alderskrav er ein gjengangar i stillingsannonsar.Her kan du lese meir om kva du skal tenkje på når du skriv ei stillingsannonse.
• På arbeidslivssidene våre finn du meir informasjon om eit systematisk arbeid for likestilling og mot diskriminering.