Mii bargat dásseárvvu

Mii bargat dásseárvvu dihte ja vealaheami vuostá juohke servodatsuorggis mas lea vuođđun sohkábealli, áhpehisvuođa dilli, riegádahttima dahje adopšuvnna oktavuođas virgelohpi, fuolahusbarggut, čearddalašvuohta, osku, eallinoaidnu, doaibmanávccat, seksuála gullevašvuohta, sohkabeale identitehta, sohkabealedovddaldat ja ahki, ja maid máŋggalágan vealáheapmi maid muhtinat vásihit danne go sis leat guokte dahje eambbo dain osiin mat dás namuhuvvojit. Čearddalašvuhtii gullá liikkeivdni, giella, našuvnnalaš álgovuolgga ja šaddanvuolgga. Mii bargat maid vealaheami vuostá bargoeallimis politihkalaš oainnu dihte ja miellahttovuođa dihte muhtin fágasearvvis.

Sii geat vásihit vealáheami sáhttet minguin váldit oktavuođa ja de ožžot bagadallama iežaset vuoigatvuođaid birra ja dan birra maid sii sáhttet dahkat. Organisašuvnnat maid sáhttet minguin váldit oktavuođa dakkár bagadallama oažžut. Mii láhčit dili nu ahte lea dohkkehuvvon dulkon dalle go minguin galgá deaivvadit.

Bargoaddit, sii geat fállet bálvalusaid ja sis geas lea juogalágan doaibma sáhttet mis oažžut bagadallama iežaset lága bokte geatnegahttojuvvon geatnegasvuođaid birra go lea sáhka das ahte ovddidit dásseárvvu ja hehttet vealaheami, ja maid das movt sii galget daid geatnegasvuođaid deavdit.

Vealaheaddji maid bearráigeahččá golbma ON-kovenšuvnna ja raportere ON:ii jeavddalaččat das man muddui Norgga eiseválddit nagodit deavdit daid. Ja dat leat ON nállevealahankonvenšuvdna (ICERD), ON nissonkonvenšuvdna (CEDAW) ja ON konvenšuvdna vuoigatvuođaid birra daidda olbmuide geain leat vuoliduvvon doaibmannávccat (CRPD).

Min barggus lea dehálaš oassin dat ahte čohkket dieđuid dili birra og lea sáhka dásseárvvus ja vealaheamis iešguđetjoavkkuid vuostá Norggas. Mii bargat maid guottuid rievdademiin ja čoahkkimiid ja lágidemiid láhčit gos organisašuvnnat, politihkkárat, almmolaš eiseválddit, bargoaddit ja earát besset deaivvadit. Mis lea geavaheddjiid lávdegoddi main leat mielde iešguđetlágan berošteaddjijoavkkut ja organisašuvnnat.

Go áiggut olahit min muhtin dihto ášši hárrái:

Bagadallantelefovdna dii. 9.00 – 15.00 árgabeivviid gosa sáhttá nuvttá čuojahit: 800 41 556 

Čálalaš skovvi mainna oažžu sihkkaris meannudeami persondieđuin ja hearkkes dieđuin:

Deaddel dákko (Kontaktskjema, bokmål)

Buot eará oktavuođa dihte:

Telefovdna: 23157300

E-poasta: post@ldo.no

Galledančujuhus: Mariboesgate 13 i Oslo

Poastačujuhus: Postboks 9297 Grønland, 0134 Oslo