Bli betre på likestilling og mangfald
I eit likestilt og rettferdig samfunn har alle borgarane høve til å delta i samfunnet på like vilkår. Likestillings- og diskrimineringslova definerer likestilling som likeverd, like moglegheiter og like rettar, og seier vidare at likestilling føreset tilgjengelegheit og tilrettelegging. For å verkeleggjere dette held det ikkje med eit individuelt diskrimineringsvern. Det er òg nødvending med eit aktivt og førebyggjande arbeid. Derfor har både arbeidsgivarar og offentlege styresmakter ei forplikting til å jobbe systematisk for å fremje likestilling.
Arbeidsgivar sitt ansvar
Som arbeidsgivar skal du jobbe aktivt for likestilling og mot diskriminering gjennom aktivitets- og utgreiingsplikta. I dei lysegrøne boksane under kan du lese meir om kva som er forventa av arbeidsgivarar, og finne nokre tilrådingar om tiltak på dei ulike områda. I tillegg til arbeidsgivarar er informasjonen relevant for fagforeiningsrepresentantar, representantar for dei tilsette og verneombod.
Dersom du opplever diskriminering, tilrår vi at du klikkar deg inn på desse sidene.
-
Aktivitets- og utgreiingsplikt for arbeidsgivarar (ARP)
-
Graviditet, foreldrepermisjon og amming på jobb
-
Trakassering og seksuell trakassering på jobb
-
Likestilt rekruttering er god rekruttering
-
Likelønn og innsyn i kollegaers si lønn
-
Tilrettelegging i arbeidslivet
-
Religion og livssyn i arbeidslivet
Likestillingsplikt for offentleg sektor (LOS-plikta)
Offentlege verksemder og andre som utøver offentleg mynde, er i tillegg til arbeidsgivar si aktivitets- og utgreiingsplikt òg omfatta av den såkalla LOS-plikta. Denne plikta skal sikre at arbeidet offentleg sektor allereie gjer, kjem heile befolkninga til gode. Tenestene som sektoren tilbyr, skal opplevast som nyttige for alle, og ikkje berre for nokre få. Lurer du på kven som er omfatta av LOS-plikta, kva ho handlar om, eller korleis du skal oppfylle ho?
Er du diskriminert eller trakassert?
Visste du at urettferdig behandling kan vere ulovleg? Om du blir dårlegare behandla eller trakassert på grunn av kjønn, etnisitet, funksjonsevne eller eit anna diskrimineringsgrunnlag, kan det vere at du har blitt diskriminert. Vi hjelper deg med å forstå kva dette betyr i praksis, og kva du kan gjere dersom du har blitt utsett for dette.
